Samlagets haustliste 2016

Bla i heile katalogen HER

Elena Ferrantes Napoli-kvartett vert avslutta i oktober med band fire, Historia om det tapte barnet (omsett av Kristin Sørsdal). Anna Gavaldas nye bok kjem denne veka, Livet,til det betre (omsett av Tove Bakke). Unika Zürn kjem også endeleg på norsk med "Mørk vår" (omsett ar Runa Kvalsund). Norske romanforfattarar i haust inkluderer m.a. Jørgen Norheim, Mette Karlsvik og Erlend Flornes Skaret. Samlaget har også ei sterk barne- og ungdomsbokliste i haust; Ragnar Hovland kjem med ungdomsroman, Ruth Lillegraven har skrive dikt for barn og landslagskeeper Ørjan H. Nyland kjem med "Ørjans Keeperskole". Kari Stai er aktuell med ny Jakob og Neikob-bok, og to gonger Uprisvinnar Terje Torkildsen går tett på unge liv i novellesamlinga "Stavanger Stories".Historikar og forfattar Aina Basso kjem med faktabok for barn om heksejakt og heksebrenning i Europa. Are Kalvø fortel om sitt sceneliv i "Are Kalvø på scenen". Det kjem biografiar om Einar Sverdrup, Peter Hognestad og Kjell Opseth. Gro Skartveit intervjuar menneske som har vore gjennom kriser, i "Livet etterpå". Åsmund Eikenes gir oss i den populærvitskaplege boka, "Handboka" alt vi treng å vite om hendene våre.

Forlaget har 10 debutantar i år; fire innan kategorien fakta og dokumentar, fire som skriv for barn og unge og to skjønnlitterære debutantar.

Lanseringsdatoar ligg ved, samt worddokument med bøkene sortert på berre hausttitar.