Samlagets haustliste 2014 presentert i dag

Forlagssjef i Samlaget, Håkon Kolmannskog la i dag fram forlagets 147. haustliste. Anna Gavalda, Jon Fosse, Agnes Ravatn, Brit Bildøen, Aina Basso, Kari Stai, Gunnar Myklebust, og Bård Vegar Solhjell er blant haustens forfattarar på forlaget. Samlaget har åtte debutantar i år, fire skjønnlitterære og fire sakprosaforfattarar.

Anna Gavalda er endeleg tilbake med ny roman. Billie vert lansert 21.8. Brit Bildøen har i sin nye roman Sju dagar i august lagt handlinga til eit framtids-Oslo prega av ekstremvær, der eit ektepar strevar med sorga etter dottera som døydde på Utøya. Aina Basso kjem med ein historisk roman om romanifolket i Finnskogen på midten av 1800-talet; Finne ly. Jon Fosse sin vakre kjærleikstrilogi kjem ut i eit band, Andvake, Olav draumar og den siste Kveldsvævd kjem i ei eiga praktutgåve med tittel Trilogien. Kari Stai er tilbake med ny bok i den prisløna og populære billedbokserien om Jakob og Neikob; Jakob og Neikob og det tomme rommet. Gunnar Myklebust kjem med den første samla presentasjonen av ishavsffangst i praktboka Ishavet. Pelsdyrfangst og vågemot. Bård Vegar Solhjell skriv om sin store lidenskap i boka Sjakk - ei kjærleikshistorie.

Dette er berre eit lite utval av titlane, bla i heile katalogen HER

Katalogtekstar sortert på hausttitlar ligg ved. Det same gjer ei liste med lanseringsdatoar.