Pressemelding -
Norsk Litterær Årbok 2012
Norsk litterær årbok 2012 oppsummerer det litterære året 2011, og innheld interessante nye litteraturvitskaplege artiklar. I årets utgåve vert Atle Kittang portrettert av Hans Hauge, Nora Simonhjell tolkar vinnaren av Nordisk råds litteraturpris, Merethe Lindstrøms Dager i stillhetens historie, og Eivind Tjønneland oppsummerer kritikkåret med eit spesielt blikk på Knausgård-resepsjonen. Litteraturkritikar Gro Jørstad Nilsen i Bergens tidende står for oppsummeringa av romanåret 2011 under tittelen "Mangfoldet rår".
Elles kan ein finne artiklar om vitalistiske trekk hos Gaute Heivoll, den arktiske pastoralen, dekadente persepsjonsmønster i Sult og sjølvframstiling hos Conrad Nicolai Schwach, samt lesingar av ulike forfattarar som Tarjei Vesaas, Åsta Holth, Ingvild H. Rishøi og Jan Grue.
Årboka er redigert av Heming Gujord (Universistetet i Bergen) og Per Arne Michelsen (Høgskolen i Bergen).
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
