Lansering av boka "Språkleg toleranse i Noreg-Norge, for faen!" av Øystein A. Vangsnes

Er vi nordmenn eigentleg så språktolerante som vi liker å tru? Kvifor møter meir synleggjering av samisk språk i Nord-Noreg sterk folkeleg motstand? Kvifor ser ein stadig negative og til dels hatske utfall mot nynorsk? Er det eigentleg så populært med alle moglege slags dialektar i dette landet? Og kvifor er det så opprørande at minoritetsspråklege born i Noreg skal få tilbod om morsmålsopplæring?  

Språkforskar ved Universitetet i Tromsø, Øystein A. Vangsnes, har i fleire år engasjert seg i spørsmål om språkleg toleranse og mangfald. No er han aktuell med ei debattboka  om emnet, "Språkleg toleranse i Noreg-Norge, for faen!". Gjennom ti frittståande tekstar tek boka opp ein rad dagsaktuelle emne knytt til språkleg mangfald, alt frå hakking på dialektbruk via angrep på nynorsk og samisk til synet på fleirspråkleg opplæring. 

Boklansering: Akademisk Kvarter i UB-kjelleren på Universitetet i Tromsø, torsdag 31. oktober kl 15:15

med forfattar Øystein A. Vangsnes, Mona Solbakk, kommunikasjonssjef ved UiT, og Pål Julius Skogholt, styremedlem i Tromsø mållag. 

Øystein Vangsnes (f. 1968) er dr.art. i språkvitskap og arbeider som forskar ved Universitetet i Tromsø og professor II ved Høgskulen i Sogn og Fjordane. Han er ein aktiv forskingsformidlar som mellom anna bloggar om språk og språkvitskap på nettportalen Forsking.no. I 2012 vart Vangsnes tildelt Universitetet i Tromsøs formidlingspris.