Pressemelding -
Kjærastepar på 23 år debuterer med roman, "& me skal bli omskapte"
Kjærasteparet Mariell Øyre og Jostein Avdem Fretland debuterer med romanen & me skal bli omskapte. Dei er frå Sogn og bur og arbeider i London. & med skal bli omskapte er forteljinga om vestlendingen Jakob og sjokoladebutikken han startar i London. Det er ei forteljing om familieband med lange skuggar, kjærleik som råkar hardt, og den vanskelege kampen for å få bestemma over sitt eige liv.
LANSERINGSARRANGEMENT PÅ LIEBLING 4.10 KL 18 PÅ LIEBLING, GRÜNERLØKKA, OSLO.
Under ein luftballong, i ein butikkvegg i Covent Garden, ligg det eit brev til Jakob Hov. Han er chocolatier i Paris og arveprins i familieverksemda, men når gamalonkelen hans døyr, lyt han til London og ta imot ein arv han ikkje har bedt om. Der treffer han Lucy, tremenningen han nesten hadde gløymt, men som slett ikkje har gløymt han. Og så er det Grace, som bur på loftet over butikken, utan at nokon heilt veit kven ho er.
På nokre dagar blir alt snudd på hovudet, og Jakob finn ut at det ikkje berre er dei levande som har sterke meiningar om kva han bør gjera med livet sitt.
& me skal bli omskapte er forteljinga om vestlendingen Jakob og sjokoladebutikken han startar i London. Det er ei forteljing om familieband med lange skuggar, kjærleik som råkar hardt, og den vanskelege kampen for å få bestemma over sitt eige liv.
Kjærasteparet Mariell og Jostein (f. 1990) voks opp i kvar sin dal inst i Sognefjorden. 14 år gamle fann dei kvarandre, og no bur dei i London og er saman om det meste, slik som debutromanen & me skal bli omskapte.Mariell er fotograf, bloggar og redaktør og held vanlegvis til på verdas største nynorskblogg, hjartesmil. Jostein er utdanna komponist, i tillegg til å vera musikar og skrivar.
KONTAKTINFORMASJON: tlf: + 44 7412 72 9929 (J) eller +44 7427 30 5911 (M)
Emner
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
