Anders Totland klar med ny rølpete thriller om Jacob Juul; "Til døden skil oss"

Den pensjonerte presten Jacob Juul er tilbake i Anders Totlands røpete, nye thriller; Til døden skil oss

Det er ei veke til den nye presten i bygda, Maria, skal gifta seg med Gjertrud, og gamlepresten Jacob Juul har tatt på seg vertskapsrolla og invitert til bryllaupsfest i prestegarden. Han får god hjelp av barnebarnet, Isabella Donnatina, som også skal vera brurepike, og ikkje fullt så god hjelp frå mor til Maria, Solveig Myklebust, som viser seg å vera ei handfull, men heldigvis er det fleire andre gode hjelparar. Det er derimot ei utfordring at den eine brura, Gjertrud, er gravid, og at sommaren er den varmaste i manns minne, og det hjelper ikkje at helsa til Jacob skrantar, men det mest prekære er likevel å få fjerna eit nake og oljete lik frå andre etasje og rista av seg eit par skruppellause bandittar som herjar i nabolaget. Ja, og å overtyda barnevernet om at prestegarden er den rette heimen for Isabella Donnatina, da. Velkommen tilbake til Finnskogen!

I haust legg Totland ut på ein storslått turné i ein knallraud Volvo 740, rett ut av romanens omslag og univers. Han skal besøkje heile 200 bokhandlar rundt om i distrikta.

Om Til jord skal du bli (2022):

Anders Totland (f. 1986) er oppvaksen på Bømlo og held til på Valen i Kvinnherad. Sidan 2015 har han gitt ut ei rekkje bøker i fleire sjangrar. Fleire av bøkene er selde til utlandet, og i 2017 fekk han Nynorsk barnelitteraturpris for ungdomsromanen Engel i snøen. I 2021 gav han ut sakprosaboka Vindmøllekampen – Historia om eit folkeopprør. I 2022 kom den første boka om den pensjonerte presten Jacob Juul, Til jord skal du bli. Til døden skil oss er ein nokså frittståande oppfølgjar