Pressemelding -
Skeive ikon på Det Norske Teatret
I år er det 50 år sidan avkriminaliseringa av homofili i Noreg. Dette blir markert på Det Norske Teatret, mellom anna gjennom ei utstilling med unike portrett av nokre av dei som kjempa fram lovendringa og som har prega arbeidet for homofiles rettar.
SKEIVE IKONER
UTSTILLINGSOPNING LAURDAG 19. MARS KL. 17.30
FOAJEEN PÅ DET NORSKE TEATRET
Utstillinga Skeive ikoner er eit samarbeid med Fotogalleriet, og er laga av Fin Serck-Hanssen, Bjørn Hatterud og Caroline Ugelstad Elnæs. Prosjektet markerer avkriminaliseringa av homofili i Noreg, og fortel livshistoria om nokre av dei som var med på å endre historia om homofilli gjennom fotoportett og tekst. Som ikkje-konforme individ kjempa dei aktivt mot diskriminerande
strukturar i norsk kultur og samfunn, og bido til bidro til kampen for friheit og likestilling før og etter avviklinga av straffelova sin paragraf 213 i 1972.
Skeive ikoner fortel om menneske som har bidratt til å forvandle Noreg til det frigjorte samfunnet vi kjenner i dag, og vil ta form av ei rad utstillingar, eit filmprogram og samtalar, og vil i tillegg komme ut i bokform i løpet av året.
Skeive ikoner er del av Skeivt kulturår 2022.
Related links
Emner
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.