Samisk ungdomsframsyning om valdtekt

Forfattar Katrine Nedrejord har reist i store delar av Nord-Noreg og snakka med offer for valdtekt. Det gjorde henne sint, og sinnet brukte ho til å skrive. No har Beaivváš Sámi Našunálateáhter laga teater av ungdomsboka hennar.

Det Sara skjuler/Maid Sárá čiegada
FREDAG 24. MARS KL. 20.00 OG LAURDAG 25. MARS KL 16.00
GJESTESPEL FRÅ DET SAMISKE NASJONALTEATERET BEAIVVÁŠ
SCENE 3

Rundt 10% av alle kvinner og rundt 1,1% av alle menn i Noreg har opplevd å bli valteken minst ein gong i livet. I befolkingsstudien Saminor II kjem det fram at blant kvinner med samisk bakgrunn, har heile 22 prosent opplevd seksuell vald, medan talet for ikkje-samiske kvinner er 16 prosent. Dei fleste blir valdteken av nokon dei kjenner.

Ein del av statistikken

Forfattar Nedrejord har samisk bakgrunn og er sjølv ein del av valdtektstatistikken. Etter at ho snakka om dette offentleg, reiste ho mykje rundt i Nord-Noreg, og opplevde at mange ville snakke med henne og dele sine historier.

- Dei fleste over­grepa eg fekk høyre om hadde aldri fått nokre konsekvensar for gjerningspersonane, seier Katrine Nedrejord. LES MEIR.

Det gjorde at eit sinne voks i henne, og dette sinnet blei til ungdomsboka Det Sara skjuler, som kom ut i 2018. No har Beaivváš Sámi Našunálateáhter laga teater av boka, der vi følger Saras venninne, som vil at den som har forgripe seg mot Sara ikkje skal gå ustraffa frå ugjerninga.