Pressemelding -
Linda Eide jaktar på gamledagar
Linda Eide er mest kjent som programleiar for Norsk attraksjon og Eides språksjåv på NRK. Med Oppdrag Mottro har ho erobra teaterscenen også. Framsyninga om mora er hennar første soloframsyning, og no kjem den til Oslo og Det Norske Teatret.
OPPDRAG MOTTRO
av og med Linda Eide
FRÅ 21. SEPTEMBER KL. 20.00
SCENE 3
GJESTESPEL FRÅ DET VESTNORSKE TEATERET
«I en mesterlig monolog gjør Linda Eide sin familiehistorie allmenngyldig og viktig» skreiv Bergens Tidende etter premieren i 2018 og gav fem hjarte. Oppdrag Mottro handlar om Linda Eides mor, altså Mottro, livet hennar og livet før hennar tid igjen. Gjennom telefonsamtalar med mora blir publikum kjende med Mottro, men får også eit bilde av samfunnsutviklinga i Noreg, sett frå Mottros ståstad. Det er klassekamp, bygdeliv og kvinnekamp, ofte med perspektiv som verkar framande for oss i dag. For eksempel:
LINDA: Fekk du ikkje leva ut personlegdomen din, er det det du seier?
MOTTRO: Men herlegheit, det fanst jo ikkje personlegdom før, og om han fanst så hadde ein jo ikkje råd til å bry seg om han, og i alle fall ikkje leva han ut.
Med skjemt, alvor og ein god porsjon nostalgi tar Linda Eide publikum med på ei engasjerande jakt på kva dette "gamledagar" er, og korleis den lever vidare i våre dagar.
Related links
Emner
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.