Pressemelding -
Grethe Ryen takkar av etter eit langt sceneliv
Når skodespelar Grethe Ryen takkar av etter eit langt liv på scenen er det med orda til diktaren Olav Nygard, bondesonen som rakk å gi ut fire diktsamlingar før han døydde, knapt 40 år gamal.
EIT LIV
av Grethe Ryen
URPREMIERE LAURDAG 21. SEPTEMBER KL. 18.30
SCENE 3
Grethe Ryen har sidan ungdomsåra vore opptatt av dikt og poesi, eit uttrykk som har tiltalt henne og som har sett ord på livets mange fasar. Med Olav Nygards dikt blir det alvor. Han blir ikkje utan grunn kalla ein dødens diktar. Med seg på scenen har ho skodespelarsonen Tov Sletta og skodespelar Emil Rodrigo Jørgensen i tillegg til musikar Thorbjørn Sletta Jacobsen. Grethe Ryen vil sjølv framføre enkeltvers, men grunna sjukdommen ALS som er i ferd med å ta ifrå skodespelaren hennar viktigaste reiskap; stemma, blir delar av teksten lese inn på band.
Grethe Ryen: - Eg trur ikkje teatersjefen torde å seie nei.
GLØYMT DIKTAR
Med eit Eit liv ønskjer Grethe Ryen å løfte fram poesien til den anerkjende, men i våre dagar nokså ukjende, poeten Olav Nygard. Han tilhøyrer rett nok den sentrale norske lyrikkanon, og blei i mellomkrigstida rekna for å vere ein av våre fremste lyrikarar, men er i ferd med å forsvinne frå folks medvit.
Les meir om Olav Nygard, "dødens diktar".
Grethe Ryen har vore fast tilsett skodespelar ved Det Norske Teatret sidan 1977 og mellom hennar største roller er tittelrollene i Heilage Johanna frå slaktehusa og Anne Pedersdotter, Milja i Ungen og Lovis i Ronja Røvardotter.
Emner
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
