Pressemelding -
Det Norske Teatret opnar opp for 200 publikum frå laurdag
- Vi er glade for at fleire skal kunne få glede av framsyningane våre igjen, seier ein nøgd teatersjef Erik Ulfsby.
Etter dei nye lettingane frå myndigheitene blir det igjen tillate med inntil 200 personar på innandørs arrangement med faste tilviste plassar og 1 meter imellom dei som ikkje er nærskylde.
- Allereie laurdag er det ei stor glede at 150 fleire vil kunne sjå framsyninga Lehmantrilogien, til dømes. Det er ei framsyning som har vore hardt roka av restriksjonar, og som spelar si siste framsyning på laurdag. Også som direktestrøyming. Det blir ei flott avslutning for ei sjeldant sterk framsyning, som ikkje har blitt sett av så mange som elles, seier ein speleklar teatersjef.
Emner
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
