Pressemelding -
«Bed-in mot apokalypsen» med Vegard Vinge
Til framsyninga Byggmeister Solness har regissøren Vegard Vinge skapt ein heilt særeigen «programkatalog» - ein labyrint av eit kunstverk. Fredag blir publikum inviterte til sengs med regissøren og dramaturg Julian Blaue for å snakke om kunsten.
«Bed-in mot apokalypsen»
Utstillingsopning og samtale
Fredag 15. september kl. 17.00
Foajeen ved Scene 2
I foajeen på Det Norske Teatret står det ei utstilling med måleri av Vegard Vinge. Denne er sett opp i samband med framsyninga Byggmeister Solness av Vinge/Müller som spelar på Scene 2 denne no i haust. Til framsyninga har Vegard Vinge skapt ein særeigen «programkatalog». I denne blir tallause måleri, teikningar og skisser med referansar til film, musikk, albumcover og tidlegare arbeid astilte ut. I midten står ei romsleg DVD-samling omkransa av måla plateomslag, fritolking av avisforsider, portrett av Madonna, argentiske landslagsspelarar i fotball og litterære protagonistar. Konseptkunst? Gutteromsfantasiar? Eller ei utviding av scenerommet?
Bed-in mot apokalypsen
I utstillinga av Vegard Vinges måleri i foajeen til Det Norske Teatret, står ei seng. Her ligg performancekunstnar Julian Blaue i lag med Vegard Vinge. Dei skal snakke om den totale, radikale fiksjonen. Om den monstrøse verkelegheita. Og om Vinge/Müllers lange Ibsen saga, frå «Et dukkehjem» på Off-Off-Off-Ibsenfestivalen i 2006, via smadra lauk på det tyske utanriksdepartementet, til ei framsyning som sett huset i brann fortida: «Byggmeister Solness». Blaue spør: Kan denne framsyninga, eit overskotsritual og ein eksess av det umoglege, forhindra apokalypsen. No? Ikkje gå glipp av denne happeninga der den fjerde veggen mellom seng og publikum gjennomsugast.
Om utstillinga
Utstillinga vil vere tilgjengeleg for publikum i samband med samtalen, og kvar gong framsyninga Byggmeister Solness spelar.
Torsdag 14. september frå kl. 13.00
Fredag 15. september kl. 17.00 (Utstillingsopning og samtale)
Laurdag 16. september frå kl. 13.00
Tysdag 19. september frå kl. 13.00
Laurdag 23. september frå kl. 13.00
Det er gratis å besøke utstillinga, og ein treng ikkje billett.
Related links
Emner
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
