Signicat verður fyrsti alþjóðlegi aðilinn til að bjóða upp á SPID

SIGNICAT, 4. september, 2023 — Signicat, evrópskur leiðtogi í rafrænum auðkennislausnum, hefur náð stórum áfanga með því að samþætta ítalska rafræna auðkenniskerfið, SPID (Sistema Pubblico di Identità Digitale), í rafrænt auðkennissafn sitt. Þar sem Signicat er fyrsti alþjóðlegi aðilinn til að bjóða upp á SPID, gerir Signicat fyrirtækjum og opinberum stjórnvöldum um alla Evrópu kleift að eiga hnökralaus samskipti við SPID notendur og auðkenna viðskiptavini. Nú þegar nota yfir 35 milljónir Ítala SPID og eykst þátttaka þess hratt.

„Við erum stolt af því að vera fyrsta, og sem stendur eina, fyrirtækið utan Ítalíu til að bjóða upp á rafrænar auðkenningar í gegnum SPID. Sem evrópskur leiðtogi í rafrænum auðkenningarþjónustum viljum við alltaf vera skrefinu á undan. Við viljum bjóða upp á nýjustu tækniframfarir, með framúrskarandi notendaupplifun og hæsta stig öryggis sem krafist er“ segir Asger Hattel, forstjóri Signicat.

Samþætting SPID, sem er eIDAS vottað, inn í rafrænt auðkennissafn Signicat markar byltingu sem veitir evrópskum fyrirtækjum valmöguleika að bjóða upp á SPID í viðskiptum við Ítali. Ítalskir ríkisborgarar sem eru búsettir í öðrum Evrópulöndum geta notað SPID til að opna bankareikninga, leigja bíla, skrifa undir húsnæðislán og margt fleira - að því gefnu að þjónustuveitendur samþykki það. Þessi þróun brúar bilið milli borgara og fyrirtækja um alla Evrópu og stuðlar að aukinni þátttöku í stafrænu vistkerfi.

Skuldbinding Signicat við rafrænar auðkenningar teygir anga sína mun víðar. Í dag styður fyrirtækið yfir 30 rafræn skilríki, sem einfaldar rafræn samskipti milli fyrirtækja, opinberra stjórnvalda og viðskiptavina þeirra. Þessi nálgun er í takt við stafræna auðkenningarveski Evrópusambandsins (European Digital Wallet), sem er verkefni framkvæmdastjórnar ESB og miðar að því að færa heimsálfuna nær sameinuðu stafrænuvistkerfi. Virk þátttaka Signicat í verkefninu sýnir enn frekar vilja þess að knýja fram nýsköpun og framfarir á þessu sviði.

Þar sem stafrænt landslag heldur áfram að þróast heldur Signicat stöðu sinni sem leiðtogi í rafrænum auðkenningum um alla Evrópu. Með því að samþætta SPID í safn sitt gerir Signicat viðskiptavinum sínum kleift að sannreyna rafræn auðkenni auðveldlega - ásamt því að knýja fyrirtæki og opinberar stofnanir áfram í átt að framtíð með aukinni skilvirkni og bættri notendaupplifun.