Operasjef Annilese Miskimmon opnar operavekene i Nordfjord

Operasjef Annilese Miskimmon ved Den Norske Opera & Ballett kjem til premieren på operaen Sildagapet 4. oktober i Operahuset Nordfjord og skal stå for den offisielle opninga av operavekene i Nordfjord.

Det er stor stas for Opera Nordfjord å få besøk av den nye operasjefen, som kjem frå Irland, og som tok til i stillinga ved Nasjonaloperaen 1. august. Miskimmon er utdanna innan litteraturvitskap og kunstadministrasjon og har arbeidd ei årrekkje som teatersjef og regissør. Ho har tidlegare vore tilsett ved Glyndebourne-festivalen og Opera Theatre Company i Dublin og kom til Oslo frå stillinga som operasjef ved Den Jyske Opera i Århus i Danmark.

Det er snart heilt fullt på premieren på tingingsverket om sildefisket på 1950-talt, der handlinga er lagt til Måløy, som var ei viktig sildehamn i etterkrigstida. Operraen er skriven av Jostein Avdem Fretland og Helge Sunde.

Det vert vist i alt 8 framsyningar i Operahuset Nordfjord i perioden 4.-15. oktober.

Emner

Regions

Havets sølv glitra i Sildagapet i kveld.

Onsdag 4. oktober kl 21.10 gjekk sceneteppet att etter tredje akt i verdspremiera på Sildagapet. Opera Nordfjord ynskjer å takke publikum, solistar, frivillige, elevar og alle andre med ei vel gjennomført premiere. - i kveld oppførte vi oss som ein ekte sildestim, der koordinasjon, prestasjonar og retning gjorde dette til ei vakker oppleving, seier ein lukkelig operasjef Kari Standal Pavelich.

Martha elskar kontakten med publikum

Martha Standal Pavelich har for fyrste gang ei hovudrollene i ein av hovedproduksjonane til Opera Nordfjord. Ho er spent, men gledar seg til å gå på scena i Operahuset Nordfjord og formidle historia til karakteren Inga i Sildagapet. Her fortel Martha litt meir om tankane til ein ung solist og korleis livet i operafamilien Standal Pavelich er.

Distriktsoperaen for Sogn og Fjordane

Stiftinga Opera Nordfjord (ON) vart skipa i 1998 etter initiativ frå ekteparet Kari Standal Pavelich og Michael Pavelich og er i 2017 inne i sin 19. sesong med opera- og operetteproduksjonar. I tillegg til dei årvisse haustproduksjonane har Opera Nordfjord hatt fleire konsertturnéar i fylket, frå klassisk operagalla-repertoar til urframføring av norsk opera og samarbeidsprosjekt med Firda VGS, m.a. Requiem av Verdi. Fire somrar arrangerte ON Opera Workshop for operasongarar og -studentar med Elizabeth Norberg-Schulz, og dei siste åra har ON hatt eit tett samarbeid med Eid VGS om oppsetting av skulemusikalar i vårsemesteret. Arbeidet til ON er tufta på det omfattande og viktige dugnadsarbeidet til fleire hundre frivillige innan m.a. kulissearbeid, kostymesaum, lyssetting, hår og sminke og servering. Samarbeidet mellom profesjonelle aktørar og glade amatørar i kor og produksjonsapparat har vore avgjerande for ON sin framvekst og suksess.

Operasjef Annilese Miskimmon opnar operavekene i Nordfjord

Emner

Regions

Kontakter

Kari Standal Pavelich

Relatert innhold

Havets sølv glitra i Sildagapet i kveld.

Martha elskar kontakten med publikum

Distriktsoperaen for Sogn og Fjordane